PARARENCHUS

PARARENCHUS

nomen viri cuiusdam sic dicti, quod simularet dormientem, quo impunitius uxor eius moecharetur. Alciatus l. 4. Parergωn. c. 6. Pararenchus, inquit, ἀπὸ τοῦ ρέγχειν dictus est, quod rostrô seu nasô sterteret, et somnum in mensâ simularet, ut est apud Festum. Quod et a quodam Galba factum fuisse Plutarch. auctor est, dum C. Maecenati in uxoris suae amorem effuso, obsequeretur. Unde proverbium, Non omnibus dormio. De huiusmodi currucis Iuvenalis, Sat. 1. v. 55.

Cum leno accipiat moecho bona, si capiendi

Ius nullum uxori, doctus spectare lacunar,

Doctus et? ad calicem vigilanti stertere nasô.

Nic. Lloydius.